Nobatdaky Samsung Galaxy Unpacked tanyşdyryş dabarasy 2024-nji ýylyň 10-njy iýulynda Parižde geçiriler. Günorta Koreýanyň kompaniýasy çäräniň senesini entek resmi taýdan yglan etmedi diýip, SamMobile portaly habar berýär.
Kompaniýanyň bäş sany täze önümini görkezmegine garaşylýar: eplenýän smartfonlar Galaxy Z Fold6 we Galaxy Z Flip6, Galaxy Watch7 akylly sagady, Galaxy Buds 3 Pro simsiz gulaklygy hem-de Galaxy Ring akylly ýüzügi.
Çeýe smartfon Galaxy Z Fold6 we eplenýän Z Flip6 täze Snapdragon 8 Gen 3 prosessory, emeli aň aýratynlyklary we täzelenen dizaýn bilen üpjün ediler.
Galaxy Watch7 3nm çipli ilkinji Samsung sagady bolup biler, bu bolsa 50% energiýa tygşytlylygyny we ýokary awtonomlygy üpjün edýär. Şeýle hem 16-dan 32 GB-a çenli iki esse ulaldylan operatiw ýada eýe bolar.
Galaxy Buds 3 Pro-nyň aýratynlyklary barada entek hiç zat belli däl.
Galaxy Ring barada aýdylanda bolsa, bu kompaniýanyň ilkinji akylly ýüzügidir we iň köp garaşylýan enjamlarynyň biridir.
Hünärmenler wagtyň we ýeriň üstünlikli saýlanylmagy sebäpli Samsung-yň tomusky tanyşdyryşynyň has netijeli boljakdygyny çaklaýarlar – Parižde 26-njy iýuldan 11-nji awgust aralygynda Olimpiýa oýunlary geçiriler.
