Günorta Koreýanyň Kia Motors kompaniýasy awtoulaglaryny öndürmek üçin Gazagystanyň Kostanaý şäherinde täze zawod gurar. Kompaniýa ýylda 70 müňe çenli awtoulag öndürer we 1500 täze iş ornuny döreder diýip, IXBT ýazýar.
Zawodyň gurluşygy 2025-nji ýylda tamamlanar. Birinji tapgyrda uly bölekleýin ýygnamak (CKD) usuly bilen 50 000 awtoulag ýygnalar. Geljekde önümçiligi lokallaşdyrmak meýilleşdirilýär.
Täze zawod Merkezi Aziýada koreý awtoulaglaryny öndürýän nobatdaky iri kärhana bolar. Mundan ozal Özbegistanda Hyundai zawodynyň guruljakdygy barada mälim edilipdi, bu zawodda Hyundai Elantra, Tucson, Sonata, Santa Fe, Palisade we Staria ulaglary öndüriler.
Hyundai kompaniýasynyň Gazagystanda hem Hyundai Trans Kazakhstan ady bilen işleýän uly önümçilik desgasy bar.
