SpaceX kompaniýasy Falcon 9 raketa-göterijisini uçurdy, bu birinji basgançagyň 300-nji üstünlikli gonuşyny alamatlandyrýar. 3DNews-yň habar bermegine görä, Starlink 6-53 missiýasy hem SpaceX-iň 2024-nji ýylda Florida ştatyndan 30-njy orbital uçurylyşy boldy.
Falcon 9-yň ýubileý uçurylyşy ABŞ-nyň Kosmos güýçleriniň 40-njy bazasynyň meýdançasyndan amala aşyryldy. B1078 raketasy ýokary göterilişden 8,5 minut soň SpaceX-iň " Just Read the Instructions" ýüzýän platformasyna üstünlikli gondy. Raketanyň özi öň 8 gezek ulanyldy: NASA-nyň HKS-na Crew-6 missiýasynda, ABŞ-nyň harby emeli hemralaryny orbita çykarmak boýunça gizlin USSF-124 missiýasynda we bäş gezek Starlink missiýasynda.
300-nji gezek gonmakdan başga-da, Starlink 6-53 missiýasy 23 sany Starlink hemrasyny orbita çykardy we bu apparatlaryň orbitadaky umumy sanyny 5851-e ýetirdi. Umuman alanyňda, SpaceX 2024-nji ýylda 27 missiýada 610 Starlink hemrasyny uçurdy.
Bu ýubileý uçurylyşy kosmos giňişligini has elýeterli we täsirli edip, gaýtadan ulanylýan raketa-göterijiler pudagynda SpaceX-iň öňdebaryjydygyny görkezýär.
