"Barselonanyň" wise-prezidenti Rafa Ýuste klubuň baş tälimçisi Hawiniň wezipesinde galjakdygyny yglan etdi. Tälimçi klub bilen täze şertnama gol çeker diýip, X (öňki Twitter) sosial ulgamynda žurnalist we insaýder Fabrisio Romano habar berdi.
«Hawi öňki ýerinde galýar, bu ýerde ol diýseň bagtly. Biz hiç wagt hem başga tälimçi bilen gepleşikleri geçirmändik. Galyberse-de, Deku Hawä ynanýar. Karar kabul edildi" - diýip, žurnalist Ýusteniň sözlerini getirýär.
Şu ýylyň ýanwar aýynda Hawi möwsümiň ahyrynda "Barselonany" terk etmek meýilleri barada habar berdi. Emma soňky wagtlarda habar beriş serişdelerinde tälimçiniň öz pikirini üýtgedip biljekdigi barada habarlar ýaýrap başlady.
Hawiniň "Barselona" bilen häzirki şertnamasy 2024-nji ýylyň iýun aýynda çenli hereket edýär.
