Xiaomi-niň ýolbaşçysy Leý Szýun kompaniýanyň 2024-nji ýyl üçin resmi meýilnamasyny yglan etdi. Ol Xiaomi Automobile bölümçesiniň 100 000-den gowrak Xiaomi SU7 çykarmagy maksat edinýändigini aýtdy. Bu barada ixbt.com ýazýar.
Öň, Xiaomi-niň ýolbaşçylary Leý Szýun bilen Lu Weýbing 20-nji aprele çenli ýagdaýa görä, Xiaomi SU7 üçin tölenen sargytlaryň sanynyň 70 000 birlikden geçendigini habar berdi.
Mundan öň, Xiaomi-niň Pekinde we Şençžende awtomobil üpjünçiligine başlandygy we ýakyn geljekde tutuş ýurt boýunça eltip berme hyzmatynyň açyljakdygy belli boldy. Xiaomi SU7-niň önümçilik kuwwaty ýakynda günde, takmynan, 400 awtoulaga çenli artdyryldy. Ýagny, aýda 12 000 töweregi awtoulag çykarylýar.
Häzirki wagtda Xiaomi Motors ýurduň Pekin, Şanhaý, Guançžou, Şençžen, Uhan, Hançžou, Çendu, Suçžou, Nankin, Wençžou, Ninbo, Usi ýaly 29 şäherinde 59 dükan açdy.
