Türkmenistanda ýyladyşhanalar üçin Döwlet sanitariýa kadalary tassyklanyldy

  • 20.04.2024 17:40
  • 8.9k+

Türkmenistanyň Saglygy goraýyş we derman senagaty ministrligi ýyladyşhanalaryň we ýyladyşhana hojalyklarynyň gurnalyşyna we ulanylyşyna bildirilýän Döwlet sanitariýa kadalaryny tassyklady.  Degişli Buýruk Adalat ministrliginiň hukuk maglumatlar portalynda çap edildi.

Bu Kadalar:

  • ýyladyşhanalaryň ýerleşdiriljek çäklerine;
  • ýyladyş we howa çalyşma ulgamlaryna;
  • suw we lagym üpjünçilik ulgamlaryna;
  • pestisidleri (awuly himikatlary), ösümlikleriň biologik gorag serişdelerini we mineral dökünleri ulanmak bilen bagly işleriň geçirilmegine; 
  • işgärleriniň goraglylygyna;
  • önümçiliginde işiň tertibini kadalaşdyrmaga (optimizasiýa);
  • hojalyk-durmuş hyzmatlarynyň gurnalyşyna;
  • daşky gurşawy goramaga;
  • işgärlere lukmançylyk hyzmatlaryny bermäge bildirilýän talaplary kesgitleýär.

Resminamada bellenilişi ýaly, ýyladyşhanalar gurnalanda şu aşakdaky talaplar berjaý edilmelidir:

  1. ýyladyşhanalar ýeriň relýefine görä ilatly ýerleriň derejesinden aşakda, ýeliň aşak akym ugrunda ýerleşdirilmelidir;
  2. ýyladyşhanalar ýer üsti we ýerasty suw çeşmeleriniň sanitariýa-gorag zolaklarynyň ölçeglerini berjaý etmek bilen ýerleşdirilmelidir;
  3. ýyladyşhanalaryň gurnalýan ýerlerinde ýerasty zeý suwlaryň ýatyş derejesi ýeriň üstki böleginden azyndan - 1,5 metr aşakda bolmalydyr.

Resminama Türkmenistanyň Adalat ministrligi tarapyndan 2024-nji ýylyň 12-nji aprelinde döwlet belligine alyndy.


düýn 12:32
2.5k+

Raşid Meredow Gambiýanyň, Angolanyň we Saud Arabystanynyň daşary işler ministrleri bilen gepleşikleri geçirdi

26-njy noýabrda Türkmenistanyň daşary işler ministri Raşid Meredow dekabrda Aşgabatda geçiriljek Halkara forumyň guramaçylygyna degişli meseleler boýunça daşary ýurtly kärdeşleri bilen telefon arkaly söhbetdeşlikleri geçirdi...

düýn 12:26
5.8k+

Hazarda 2026-njy ýylda bekre balyklaryň önümçilik maksatly tutulmagyna ýol berilmezlik boýunça çözgüt kabul edildi

24–26-njy noýabrda Aşgabatda Türkmenistanyň Hazar deňzi institutynda Hazar deňziniň suw biologik serişdelerini gorap saklamak, rejeli peýdalanmak we olaryň bilelikdäki gorlaryny dolandyrmak baradaky toparyň 9-njy mejlisi geçirildi...

düýn 12:21
1.4k+

Türkmenistan Halkara Sergiler Býurosynyň Administratiw–býujet komitetiniň agzalygyna saýlandy

25-nji noýabrda Türkmenistanуň Halkara Sergiler Býurosynyň (BIE) ýanyndaky wekili, ilçi M.Çaryýew Pariž şäherinde BIE-niň Baş Assambleýasynyň 177-nji sessiýasyna gatnaşdy. Bu barada Türkmenistanyň DIM-nde habar berdiler...

düýn 10:26
3.9k+

Türkmenistan bilen Gazagystan Temirbaba we Bekdaş aralygynda ýerasty optiki-süýümli aragatnaşyk ulgamyny gurar

Astana şäherinde Türkmenistanyň aragatnaşyk ministri Hajymyrat Hudaýgulyýew bilen Gazagystanyň Premýer-ministriniň orunbasary – emeli aň we sanly ösüş ministri Žaslan Madiýewiň arasynda gepleşikler geçirildi. Duşuşyk Türkmenistanyň Prezidentiniň Gazagystana döwlet saparynyň çäklerinde boldy...