Apple I çärýekde smartfon satuwy boýunça öňdeligini Samsung-a geçirdi

  • 16.04.2024 19:54
  • 6.6k+

2024-nji ýylyň ýanwar – mart aýlarynda Apple kompaniýasynyň smartfon satuwy geçen ýylyň degişli döwri bilen deňeşdirilende 9,6% azaldy. Bu maglumatlar International Data Corporation (IDC) gözleg kompaniýasynyň hasabatyndan gelip çykýar. Bellenilen döwürde 50,1 mln iPhone satyldy (2023-nji ýylyň birinji çärýeginde 55,4 mln), kompaniýanyň bazardaky paýy 17,3% boldy.

Kompaniýanyň pes görkezijileri Hytaýda satuwyň azalmagy bilen baglanyşdyrylýar (Counterpoint Research-yň analitikleriniň hasaby boýunça, ýylyň başynda ol 24% pese gaçdy).
Şeýlelikde, Apple ýene-de iň uly smartfon öndürijileriniň reýtinginde birinji orny Samsung-a berdi. Günorta Koreýanyň kompaniýasynyň satuwy 0,7% azalyp, 60,1 mln gurluş boldy, bazar paýy 20,8%-e barabar (2023-nji ýylyň jemi boýunça Apple Samsung-dan öňe geçdi: satuwlar, degişlilikde, 234,6 mln we 226,6 mln telefon boldy).
2024-nji ýylyň birinji çärýeginiň jemi boýunça üçünji orunda 40,8 mln smartfon ýola goýup, bazaryň 14,1%-ini eýelän Xiaomi ýerleşdi. Şeýle-de, ilkinji bäşlige Hytaýyň Transsion (28,5 mln smartfon, 9,9%) we Oppo kompaniýalary (25,2 mln, 8,7%) girdi. Transsion-yň satuwy 85%, Xiaomi-niň satuwy 33,8% ýokarlandy.
Ýylyň ilkinji üç aýynda jemi 289,4 mln smartfon satyldy, bu bir ýyl ozalkydan 7,8% köpdür.


09.09.2025 23:17
6.9k+

Trillioner tehnologiýa ägirtleriniň umumy kapitalizasiýasy 21 trln dollara ýetdi

ABŞ-nyň sekiz sany iň uly tehnologiýa kompaniýalarynyň umumy bahasy 21 trln dollardan geçdi. Nvidia-nyň paýnamalarynyň pese gaçandygyna garamazdan, bir hepdede olaryň bazar bahasy 420 mlrd dollar ýokarlandy. Indi bu kompaniýalar S&P 500 indeksiniň, takmynan, 36%-ini emele getirýär diýip, CNBC habar berýär...

09.09.2025 12:22
5.4k+

Samsung eplenýän smartfonlaryň bazarynda öňdeligini Huawei bilen Motorola berdi

Huawei 2025-nji ýylyň II çärýeginde eplenýän smartfonlaryň dünýä bazarynyň 45%-ini eýeledi, bu hem öndürijileriň arasynda iň ýokary görkeziji boldy. Bu barada Counterpoint Research habar berýär. Geçen ýyl hytaý kompaniýasynyň paýy 32% boldy...

02.09.2025 15:43
3.7k+

Samsung diňe Wýetnamyň özünde 2 milliarddan gowrak smartfon öndürdi

Samsung kompaniýasy Wýetnamda möhüm sepgide ýetdi: 2009-njy ýylyň aprelinde bu ýurtda zawodlar işe girizileni bäri günorta koreý kompaniýasy bu ýerde 2 milliarddan gowrak smartfon çykardy diýip, ýerli VietnamPlus neşiri habar berýär...

01.09.2025 16:52
5.3k+

Apple we Samsung kemsidiji mahabatlary üçin Xiaomi-ni kazyýete bermek isleýär

Apple we Samsung Hytaýyň Xiaomi kompaniýasyna nägilelik bilen ýüz tutdy. Olar Hindistanda brendleriň önümlerini Xiaomi-niň gurluşlary bilen gönüden-göni deňeşdirýän mahabat kampaniýasyny bes etmegi talap etdi. Xiaomi-niň mahabat kampaniýasy tutuş ýurt boýunça hem çap, hem sanly medialary gurşap aldy...