UFC-niň 300-nji belgili ýubileý ýaryşynda braziliýaly Çarlz Oliweýra bilen ermenistanly Arman Sarukýanyň arasynda dalaşgärler söweşi geçirildi. “Ti-Mobaýl Arenada” geçirilen söweş emin agzalarynyň tapawutly karary bilen Arman Sarukýanyň ýeňiş gazanmagy netijesinde tamamlandy.
Jedelli birinji raunddan soňky raundlar Sarukýanyň agalyk etmegi bilen geçdi. Indi Sarukýanyň hasabynda 22 ýeňiş we üç ýeňliş bar. Oliweýranyň hasabynda 34 ýeňiş we 10 ýeňliş bar.
UFC-niň ýolbaşçysy Dana Uaýt bu söweşiň ýeňijisiniň ýeňil agram derejesinde çempion Islam Mahaçew bilen titul söweşini geçirjekdigini aýtdy. Çempionyň özi indiki garşydaşynyň Dastin Porýedigini belläpdi, söweş iýun aýynda geçirilmeli.
