HMD kompaniýasy birbada üç sany täze düwmeli telefon çykardy: Nokia 6310 (2024), 5310 (2024) we 230 (2024). Bu barada GSMArena portaly habar berýär.
Nokia 6310 – bu 1450mAs sygymly akkumulýatory we ÝB-niň talaplaryna laýyk gelýän USB-C porty bolan 2021-nji ýylda çykan modeliň kämilleşdirilen görnüşidir. Galan aýratynlyklar öňküligine galýar: telefonda henizem 2,8 dýuým LCD displeý we goşa SIM kart üçin bölüm bilen üpjün edilýär ýeri bar.
Nokia 5310 2020-nji ýylda çykan telefonyň dizaýnyna eýedir, ýöne göwrümi 1450 mAs sygymly has uly batareýa sebäpli birneme uludyr. Mundan başga-da, täze önüm Unisoc 6531F çipi, 2,8 dýuým LCD displeý we USB-C porty bilen üpjün edilendir. Galan ýagdaýlarda Nokia 5310-yň öňküsinden tapawudy ýok: telefon esasy aýratynlygyny mediapleýeri dolandyryş düwmeleri görnüşinde saklaýar.
Üçünji täze önüm asyl dizaýnyny saklap, USB-C birikdirijisi we kämilleşdirilen 1450 mAs sygymly batareýa bilen üpjün edilen Nokia 230 boldy. Şeýle-de bolsa, telefonyň ölçegleri we beýleki aýratynlyklary öňküligine galýar.
Nokia telefonlarynyň üçüsiniň hem 2G ulgamynda işleýändigini bellemek gerek. Häzirki wagtda HMD täze önümleriň bahasyny aýan etmeýär.
