BAFTA Games Awards 2024 dabarasynda “Baldur's Gate 3” bäş baýraga mynasyp boldy, şol sanda “Iň gowy oýun” diýlip yglan edildi. Netijeler guramanyň web sahypasynda çap edildi.
“Dungeons & Dragons” franşizasyna esaslanýan fantastiki RPG oýny “Baldur's Gate 3” jemi bäş baýrak aldy: “Iň gowy oýun”, “Iň gowy saz”, “Iň gowy hekaýa”, “Iň gowy ikinji derejeli keşbi janlandyryjy” (Endrýu Winkott) we “Ýylyň EE oýny”.
Beýleki ýeňijileriň hatarynda “Iň gowy oýun dizaýny” baýragyny alan “Dave the Diver”, “Iň gowy animasiýa” baýragyny alan “Hi-Fi RUSH” bar. “Cyberpunk 2077” 2023-nji ýylda çykan “Phantom Freedom” hekaýa goşundysy, düzedişler, täze mazmuny we mehanikasy üçin “Iň gowy täzelenen oýun” baýragyny aldy
“Alan Wake 2” oýny iki ugurda – çeperçilik üstünlikleri we ses ulgamyndaky üstünlikler üçin ýeňiji boldy. “Marvel's Spider-Man 2” filminde Maýlz Moralesiň keşbini ýerine ýetiren aktýor Naji Jeter “Iň gowy baş keşbi janlandyryjy” ugry boýunça baýraga mynasyp boldy.
BAFTA Games Awards 2024 dabarasynda ýeňijileriň doly sanawyny guramanyň web sahypasynda görüp bilersiňiz.
