FIFA-nyň täzelenen reýtinginde Türkmenistanyň eýeleýän orny belli boldy

  • 05.04.2024 12:37
  • 16k+
FIFA-nyň täzelenen reýtinginde Türkmenistanyň eýeleýän orny belli boldy

Halkara futbol federasiýasy (FIFA) 4-nji aprelde milli ýygyndylaryň täzelenen reýtingini çykardy. Täze reýtingde Türkmenistanyň milli ýygyndysy iki setir aşak düşüp, 143-nji ýerde ýerleşdi.

Merkezi Aziýa döwletleriniň arasynda iň ýokaryky orunda Özbegistan (64) ýerleşdi, ondan soň Täjigistan (99), Gyrgyzystan (100) we Gazagystan (103) ýerleşýär.
Ýatlap geçsek, Türkmenistanyň milli ýygyndysy Dünýä çempionaty - 2026-nyň we Aziýanyň Kubogy 2027-niň saýlama tapgyrynyň çäklerinde iki gezek Eýranyň milli ýygyndysyndan (reýtingde 20-nji ýer) utuldy (0:5 we 0:1).
Reýtingde birinji orny Argentina saklap gelýär. Ikinji - Fransiýa, üçünji - Belgiýa.
Ilkinji onluga şeýle hem Braziliýa, Portugaliýa, Niderlandlar, Ispaniýa, Italiýa we Horwatiýa girýär.
FIFA-nyň reýtinginde jemi 210 sany milli ýygyndy bar.

Aşgabatda FIFA-nyň hünärmenleriniň gatnaşmagynda höwesjeň futbol gurşawynyň seljermesine bagyşlanan çäre geçirildi
düýn 23:33
1.1k+

Aşgabatda FIFA-nyň hünärmenleriniň gatnaşmagynda höwesjeň futbol gurşawynyň seljermesine bagyşlanan çäre geçirildi

Halkara futbol federasiýasy (FIFA) Türkmenistanyň Futbol federasiýasy bilen bilelikde Aşgabatda üç günlük okuw maslahatyny gurady. Maslahatyň çäklerinde 23-nji ýanwarda "Ýyldyz" myhmanhanasynda Aşgabatda höwesjeň futbol gurşawynyň seljermesine bagyşlanan çäre geçirildi...

Ýewropa ligasynyň 7-nji tapgyry: «Lion» we «Aston Willa» möhletinden ir 1/8 finala çykdy
düýn 15:33
2.7k+

Ýewropa ligasynyň 7-nji tapgyry: «Lion» we «Aston Willa» möhletinden ir 1/8 finala çykdy

23-nji ýanwara geçilen gije UEFA-nyň Ýewropa ligasynyň umumy tapgyrynyň ýedinji oýunlary geçirildi. Onuň netijesi boýunça möhletinden ir 1/8 finala çykmagy kepillendiren ilkinji klublar kesgitlendi. Olar 18 utuk gazanan «Lion» (Fransiýa) we «Aston Willa» (Angliýa) boldy...

Çempionlar ligasy: «Barselona», «Liwerpul», «Bawariýa» we «Ýuwentus» ýeňiş gazandy
22.01.2026 13:19
7.2k+

Çempionlar ligasy: «Barselona», «Liwerpul», «Bawariýa» we «Ýuwentus» ýeňiş gazandy

Çarşenbe güni UEFA-nyň Çempionlar ligasynyň umumy tapgyrynyň galan ýedinji oýunlary geçirildi. Öňdebaryjy toparlaryň köpüsi ýeňiş gazanyp, öz hasabyna üç utuk goşdy. «Bawariýa» – «Ýunion» 2:0 «Bawariýa» taryhda Çempionlar ligasynda 250 ýeňiş gazanan ikinji klub boldy...

AFK Aşgabatdaky Olimpiýa stadionyny «Arkadag» - «Al-Nasr» duşuşygynyň geçjek ýeri hökmünde tassyklady
22.01.2026 01:25
12k+

AFK Aşgabatdaky Olimpiýa stadionyny «Arkadag» - «Al-Nasr» duşuşygynyň geçjek ýeri hökmünde tassyklady

Aziýanyň Futbol Konfederasiýasy (AFK) Aşgabadyň köpugurly «Olimpiýa» stadionyny AFK-nyň Çempionlar ligasy-2-niň 1/8 finalynyň birinji duşuşygy üçin «Arkadag» toparynyň öý meýdançasy hökmünde resmi taýdan tassyklady...