Aýdymçylar emeli aňa garşy çykýarlar: Billi Aýliş, Keti Perri we Pearl Jam açyk hata gol goýdular

  • 05.04.2024 10:47
  • 5.9k+

Hudožnikleriň hukuklary üçin amerikan birleşigi (Artists Rights Alliance, ARA) aýdym-sazda sungat işgärleriniň hukuklaryny bozýan emeli aňyň ulanylmagyny bes etmäge çagyrýan açyk haty çap etdi diýip, The Hollywood Reporter habar berýär.

Hata 200 töweregi aýdymçy, şol sanda Billi Aýliş, Pearl Jam, R.E.M., Niki Minaž, Keti Perri, Kamila Kabelo, Sem Smit, Jon Bon Jowi we Keýt Hadson öz gollaryny goýdular.
Birleşik elektron aýdym-sazlary döretmek üçin neýroulgamlaryň ulanylmagyndan heder edýär. Işläp düzüjiler aýdymçylaryň eserlerine hukuk almazdan, olara hak tölemezden emeli aňy hakyky sungat işgärleriniň döredijiligine esaslanýan algoritmler bilen türgenleşdirýärler. Netijede, asyl nusgadaky eserlere meňzeýän sesleriň we heňleriň sanly nusgalary peýda bolýar.
ARA-nyň ýerine ýetiriji müdiri Jen Ýakobsen striming serwisleriniň döwründe sungat işgärleriniň “güzeranyny kynlyk bilen dolandyrýandyklaryny”, indi bolsa olara “emeli aň bilen bäsleşmek” üçin goşmaça ýüküň düşýändigini belledi.
Ýakobsen adamlaryň işini elinden alýan emeli aňyň ulanylmagyny ahlaksyz hasaplady, ýöne ARA-nyň emeli aňa garşy däldigini, diňe onuň adalatly ulanylmagyny talap edýändigini aýtdy. Birleşigiň pikiriçe, käbir platformalar we işläp düzüjiler neýroulgamlary “döredijilik bozgaklygy” we sungat işgärleriniň, aýdym awtorlarynyň, sazandalaryň we hukuk eýeleriniň gyzyklanmalaryny pese gaçyrmak üçin ulanýarlar.


28.11.2025 12:06
2.6k+

Gemini «Google Kartalaryň» ähli hereket režimlerinde elýeterli boldy

Google «Google Kartalarda» ýöriteleşdirilen täze nawigasiýa ulgamyny giňden ornaşdyryp başlady. Indi goşundy awtoulag, pyýada, welosiped hem-de şäher jemgyýetçilik ulag ugruny görkezýän ähli režimlerde emeli aň tehnologiýasy Gemini-ni ulanar diýip, 9to5Google ýazýar...

28.11.2025 11:28
1.2k+

OpenAI öz emeli aňy oturdylan enjamlarynyň ilkinji nusgalaryny döretdi

OpenAI kompaniýasy özüniň emeli aň bilen işleýän enjamlarynyň ilkinji prototiplerini taýýarlady. Bu barada kompaniýanyň baş direktory Sem Altman Apple-iň öňki baş dizaýneri Joni Aýw we Apple-iň merhum baş direktory Stiw Jobsuň aýaly Loren Pauell Jobs bilen söhbetdeşlikde mälim etdi diýip, CNBC habar berýär...

23.11.2025 01:01
4.6k+

Pol Makkartni aýdym-sazda emeli aňyň ulanylmagyna garşylyk hökmünde sessiz trek ýazga geçirdi

Öňki The Beatles toparynyň agzasy Pol Makkartni sözsüz we sazsyz, dowamlylygy 2 minut 45 sekunt bolan trek ýazga geçirdi (ýa-da döretdi). Şeýlelik bilen, sazanda ýewropaly kärdeşlerine goşulyp, aýdym-saz pudagynda emeli aňyň (EA) ulanylmagyna garşylyk bildirdi diýip, The Guardian ýazýar...

22.11.2025 14:33
2.5k+

Emeli aň “Time” tarapyndan “Ýylyň adamy” diýlip atlandyrylmaga dalaş edýär

Emeli aň “Ýylyň adamy” adynyň eýesi hökmünde Time amerikan žurnalynyň daşynda peýda bolup biler. Polymarket bukmeker agentligi şeýle ähtimallygy 37% diýip hasaplaýar. Bu ada eýe bolmak mümkinçiligi boýunça ikinji orunda Nvidia kompaniýasynyň baş direktory we esaslandyryjysy Jensen Huang ýerleşýär – 17%...