Huawei üç ekranly ilkinji smartfony çykarmaga taýýarlanýar

  • 03.04.2024 21:18
  • 7365
Huawei üç ekranly ilkinji smartfony çykarmaga taýýarlanýar

Hytaýyň Döwlet intellektual eýeçilik edarasy Huawei kompaniýasynyň “Eplenýän ekran gurluşy” atly täze patenti barada habar berdi. Bu barada ixbt.com belleýär.

Huawei kompaniýasy täze “üç ekranly ykjam telefony” işläp taýýarlaýar. Onuň eýýäm şu ýylyň ikinji çärýeginde çykarylmagyna garaşylýar.
Huawei-niň insaýderleri hem kompaniýanyň bu patentlenen tehnologiýany birnäçe ýyl mundan ozal öwrenip, işläp taýýarlap başlandygyny we degişli patentleriň heniz 2022-nji ýylda çap edilendigini tassykladylar.
Mindray Asset Management Co., Ltd.-niň baş müdiri Wan Haoýuý: Biziň gözleglerimize laýyklykda, Huawei kompaniýasy üç ekranly ykjam telefonlaryň gözleglerini we işläp taýýarlamalaryny birsydyrgyn alyp barýar we degişli ultra-inçe çeýe aýna örtügini (UTG) birnäçe aý mundan öň synagdan geçirip başlady. Bu eýýäm taýýar önüm diýen ýaly” diýip belleýär.
Wan Haoýuý üç ekranly smartfonlary işläp taýýarlamakda kompaniýalaryň bilelikdäki gözlegleri dowam etdirmelidigini we ýygy-ýygydan eplenen ýagdaýynda ekranyň we birleşdiriji halkalaryň hyzmat ediş möhleti, eplenenden soň ekranyň galyňlygy, awtonom iş wagty we programma üpjünçiliginiň uýgunlaşmagy ýaly meseleleri çözmelidigini nygtady.

“Üç ekranly ykjam telefonlaryň meşhurlygynyň artýandygy üçin, ýyllyk satuwyň 2,8 – 4,2 mln birlige ýetmegine garaşylýar” diýip, Wan Haoýuý belledi.


26.03.2024 10:09
4608

Huawei uly ekranly täze Band 9 akylly sagadyny tanyşdyrdy

Huawei kompaniýasy özüniň meşhur fitnes-trekeriniň iň soňky nesli bolan Band 9-y resmi taýdan tanyşdyrdy. Huawei Band 9 egri displeý we amatly gapdal düwmesi bilen özünden öňki nusgalaryň gönüburçly şekiline eýedir...

19.03.2024 15:59
6265

Täze Huawei Nova 12s smartfonynyň aýratynlyklary aýan edildi

Huawei kompaniýasy täze Nova 12s smartfony üçin deslapky sargytlary kabul edip başlady, şonuň netijesinde enjam barada käbir maglumatlar mälim boldy. Bu barada GizmoChina neşiri habar berýär. Nova 12s-iň dizaýny...

14.12.2023 15:37
5740

Huawei dünýädäki iň inçe we iň ýeňil planşeti hödürledi

Huawei kompaniýasy özboluşly FreeClip nauşniklerini hödürlemek bilen bir hatarda MatePad Pro 13.2 planşetini dünýä bazaryna çykardy. Bu barada ixbt.com habar berýär. Ýatladyp geçsek, bu planşet sentýabr aýynda...

14.11.2023 12:36
6574

Huawei Android programmalaryny ulanmagyny bes eder

Hytaýyň Huawei IT ägirdi Android programmalaryny goldamajak öz mobil operasiýa ulgamy bolan HarmonyOS Next-iň täze wersiýasyny hödürlemäge taýýarlanýar. Bu barada IT-Home neşiri habar berdi. Android programmalaryny...