Kanadanyň iň uly şäheri Torontonyň häkimi Oliwiýa Çou öý eýelerine ýagyş kanalizasiýasy üçin töleg girizmegi teklip etdi. Onuň mukdary olaryň öýlerindäki suw akymynyň ýagyş kanalizasiýasyna näderejede täsir edýändigine görä kesgitlener. Bu barada “Newsweek” žurnaly habar berýär diýip, newdaynews.ru belleýär.
Şäher häkimiýetiniň pikiriçe, “ýagyş salgydynyň” girizilmegi raýatlary öz öýlerinde ýagyş suwuny siňdirmeýän gaty üstleri düşemegiň deregine, otlary we ösümlikleri ekmäge oýarmaly. Ýygymyň mukdary üçek, alyp barýan ýollar, awtoulag duralgalary we beýleki beton landşaftlary ýaly her bir obýektiň gaty üstüniň meýdanyna bagly bolar.
Toronto administrasiýasynyň saýtynda bellenilişi ýaly, çabga suwy ýagyş we erän gar bolup, ol haçan-da ýere siňmedik ýagdaýynda, gaty üstlerden köçelere, ýagyş kanalizasiýalaryna we ony ýerli suw ýollaryna alyp gidýän turba ulgamlaryndan akýar. Çabga suwunyň köp bolmagy bolsa şäheriň kanalizasiýa ulgamyny dolduryp biler, bu hem diňe bir suw basmalaryna we suwuň hapalanmagyna getirmän, eýsem ýaşaýjylaryň saglygyna howp salyp biler.
