Kanadanyň Alberta welaýatynda paleontologlar pahirinozawrlaryň 8 müňden gowrak süňküni tapdy. Bu burnunda süňk ösüntgisi bolan we uly göwresi bilen tapawutlanýan ot iýýän dinozawrlardyr. Tapyndy, takmynan, 72 ýyl mundan ozal tutuş bir dinozawrlar sürüsiniň heläk bolandygyny görkezýär diýip, Interesting Engineering habar berýär.
Gazuw-agtaryş işleri ilkinji gezek 1974-nji ýylda ýerli ýaşaýjy tarapyndan ýüze çykarylan ýerde alnyp barylýar.
Alymlar süriniň tebigy betbagtçylyk sebäpli ölendigini öňe sürýär. Çaklamalaryň biri duýdansyz suw joşmasydyr, muny, adatça, güýçli suw akymyndan soň galýan toprak çökündileri delillendirýär. Pahirinozawrlar, ähtimal, uly agramy we hereketiniň haýaldygy sebäpli halas bolmadyk bolsa gerek.
Patyşalyk Tirell paleontologiýa muzeýiniň professory Emili Bemfort süňkleriň dykyzlygyny seýrek ýagdaý diýip atlandyrdy. Onuň aýtmagyna görä, her 10,76 inedördül fut ýere, takmynan, 300 süňk düşýär.
Gazuw-agtaryş işleri güýze çenli dowam eder. Alymlar eýýäm 8 müňden gowrak süňk ýygnady we mundan beýläkki gözlegleriň süriniň ölmeginiň hakyky sebäbini açmagyna umyt bildirýär.
