Angliýanyň premýer-ligasyndaky (APL) oýunlarda işleýän topçy oglanlaryna futbolçylara topy bermek gadagan ediler. Bu barada The Telegraph habar berýär.
Toplaryň indi meýdançanyň perimetriniň töwereginde ýerleşýän ýörite münberlerde goýuljakdygy we ony oýunçylaryň özleriniň almaly boljakdygy aýdylýar. Täze düzgün öz meýdançasynda oýnaýan toparyň artykmaçlygyny aradan aýyrmak üçin girizildi. Köplenç, topçy oglanlaryň kabul edýän tarapa işjeň kömek edýändigi, topy myhman oýunçylara geçirenlerinde wagty egleýändikleri bellenildi.
Angliýanyň çempionaty 19-njy maýda tamamlanar. Häzirki çempion «Mançester Siti» topary.
