Volkswagen awtoöndürijisiniň inženerleri Melburn uniwersitetiniň hünärmenleri bilen bilelikde kenguru üçin ýakymsyz sesleri çykarýan dinamikalar bilen üpjün edilen RooBadge logotipini işläp taýýarladylar. Bu barada motor1 habar berýär.
Taslamanyň maksady Awstraliýada ýabany haýwanlaryň gatnaşmagynda bolup geçýän ähli ýol-ulag hadysalarynyň 90% töweregini emele getirýän kenguru bilen awtomobilleriň çaknyşygyny azaltmakdan ybaratdyr.
Melburn uniwersitetiniň dosenti Grem Koulsonyň aýtmagyna görä, RooBadge kengurulary gorkuzmak üçin ilkinji netijeli serişde bolar.
Ilkinji synaglar logotipiň, hakykatdan hem, işleýändigini görkezdi. Gurluş haýwanlar bilen çaknyşygyň köp bolýan ýerlerinde awtomatik taýdan ses signallaryny işjeňleşdirýär.
Geljekde Volkswagen şeýle tehnologiýa bilen diňe bir logotipi däl, eýsem awtomobil belgileri üçin saklaýjylary enjamlaşdyrmagy meýilleşdirýär.
