China Mobile kompaniýasy dünýäde ilkinji 5.5G ulgamynyň täjirçilik taýdan ulanylyşa goýberilendigini habar berdi. Bu tehnologiýany (ol 5G-Advanced ýa-da 5GA) goldaýan ilkinji smartfon bolsa Oppo Find X7 Ultra boldy. Ekranda degişli nyşanly smartfonyň suratyny Oppo-nyň top-menejeri Pit Lau paýlaşdy diýip, ixbt.com habar berýär.
Weibo sosial ulgamynda ýerleşdirilen bellikde tiz wagtdan 5.5G goldawyny Oppo Find X7-niň hem aljakdygy aýdylýar. Bu smartfonlaryň dürli bir kristally sistemalarda gurlandygyny göz öňünde tutsaň täsirlidir: Find X7 Ultra smartfony Snapdragon 8 Gen 3 çipsetine esaslanýar, Find X7-niň esasynda bolsa SoC MediaTek Dimensity 9300 durýar.
Ýene bir ýyldan 5G-Advanced ulgamyny goldaýan smartfon modelleriniň sanynyň 20 birlikden geçmegine, China Mobile kompaniýasynyň bolsa bu döwürde 5.5G ulgamy bilen 300-den gowrak şäheri gurşap almagyna garaşylýar. Ilkinji nobatda, bu Pekin, Şanhaý we Guançžou şäherleri bolar.
5G-Advanced ulgamy 5G-den has tiz bolmagy wada berýär: ol maglumatlary ýükläp almagyň 10 Gbit/s tizligini we 1 Gbit/s tizlik bilen Internet toruna maglumat ýüklemegi üpjün eder.
