“Ýüzükleriň hökümdary” filminiň ýyldyzy Stiwen Kingiň “Maýmyn” hekaýasynyň ekranlaşdyrylyşyna gatnaşýar

Elaýja Wud (“Ýüzükleriň hökümdary”) we Tatýana Maslani (“Zenan-Halk”) Stiwen Kingiň “Maýmyn” hekaýasynyň ekranlaşdyrylyşyna gatnaşýan aktýorlaryň düzümine goşuldy diýip, Deadline habar berýär.

Olar bilen birlikde filmde Teo Jeýms, Roan Kempbell, Sara Lewi we beýlekiler oýnar.
Filmde üçekden kakasynyň tow berilýän köne maýmyn oýnawajyny tapýan ekizler Hel bilen Billiň başdangeçirmeleri gürrüň berilýär. Şondan soň olaryň töwereginde elhenç ölümler bolup başlaýar. Doganlar oýunjakdan dynmak kararyna gelýärler, ýöne syrly howp ençeme ýyldan soňam olary gününe goýmaýar we täze heläkçilikleri getirmegini dowam edýär.
Filmiň prodýusseri “Byçgy”, “Astral” we “Kasam” ýaly gorkunç filmlerdäki işleri bilen tanalýan Jeýms Wandyr. Filmiň goýberiljek senesi entek yglan edilmedi.