Aprel aýynda Aşgabat — Türkmenabat ýokary tizlikli awtomobil ýolunyň Tejen — Mary böleginiň açylyş dabarasy bolar. Bu barada wise-premýer M.Mämmedowa şu ýylyň aprel aýynda geçiriljek esasy çäreleriň we medeni-durmuş maksatly binalary açyp ulanmaga bermegiň Tertibi barada hasabatynda habar berdi.
Aprel aýynda şeýle hem Mary şäherindäki durky täzelenen Enäniň we çaganyň saglygyny goraýyş merkeziniň açylyş dabarasy geçiriler.
Belläp geçsek, Aşgabat – Türkmenabat ýokary tizlikli awtomobil ýolunyň 203 kilometrlik Aşgabat-Tejen bölegi 2021-nji ýylyň oktýabrynda açyldy. 2022-nji ýylyň fewralynda bolsa awtobanyň Tejen – Mary tapgyrynyň gurluşygyna badalga berildi.
Gurluşyk işlerini üç tapgyrda alyp barmak meýilleşdirildi. Ýoluň üçünji tapgyry Mary – Türkmenabat bölegi bolar.
