Honor Fransiýada täze 90 Smart smartfonyny hödürledi. Mail.ru neşiri enjamy “özbaşdaklygyň ägirdi” diýip atlandyrmak bilen, oňa flagmana ýakyn aýratynlyklary bolan amatly wariant hökmünde orun berilýär diýip habar berýär.
Enjam 2023-nji ýylyň mart aýynyň ortalarynda hödürlenen sekiz ýadroly MediaTek Dimensity 6020 çipsetini aldy. Ol 7 nanometrlik tehniki proses boýunça öndürilýär we AnTuTu-da ortaça 350-400 müň bal berilýär.
Smartfon, 35 wattlyk çalt zarýad bermek üçin 5330 mAh akkumulýator bilen enjamlaşdyrylandyr.
Smartfonyň esasy aýratynlygy 108 MP-lik kamera modulydyr. 2 megapikselli makro obýektiw we çuňluk datçigi bilen üsti ýetirilýär. Öňki kameranyň durulygy 8 megapiksel.
Honor 90 Smart-yň tehniki aýratynlyklary
- Ekrany: 6,8 dýuým, IPS, 2412 x 1080 piksel, 389 ppi;
- Prosessory: MediaTek Dimensity 6020;
- Ýady: 4 GB RAM, içerki 128 GB;
- Kamera: esasy 108 MP, makro 2 MP, çuňluk datçigi 2 MP, öň 8 MP;
- Batareýasy: 5330 mAh, çalt zarýad 35 Wt;
- OU: Android 13, MagicOS 7.2.
