Saud Arabystanynda QSS AI & Robots kompaniýasy "Sara" atly gumanoid roboty hödürledi. Bu ýurduň, megerem, tutuş Ýakyn Gündogaryň ilkinji gumanoid zenan robotydyr diýip, Business Insider-e salgylanýan Mail.ru ýazýar.
“Sara” boýy 1,62 metr bolan 25 ýaşly gyz ýaly görünýär. Onuň egninde Saud Arabystanynyň milli eşigi bar.
"Sara" arap we iňlis dillerinde gepleýär. Onuň diline ýerli programmistler tarapyndan işlenip düzülen maşyn öwreniş modeli jogapkärdir. Öndüriji köpçülikleýin habar beriş serişdelerine beren interwýusynda “Sara” döredilende ChatGPT ýaly meşhur nerw ulgamlaryny ulanmandyklaryny aýtdy.
"Sara" Saud Arabystanynda doly dizaýn edildi we döredildi. 2017-nji ýylda ýurt eýýäm “Sofia” atly gumanoid-roboty hödürledi, ýöne ol Gonkongda öndürilipdi. Patyşalyk "Saranyň" kömegi bilen robot we emeli aň pudagynda gazanan üstünliklerine ünsi çekmek isleýär.
Ýaňy-ýakynda mart aýynyň başynda QSS AI & Robots erkek robot “Muhammet” bilen tanyşdyrandygyny bellemelidiris.
