Xiaomi kompaniýasy Hytaýda Mijia brendi bilen täze Smart Audio atly «akylly» äýnegini tanyşdyrdy.
Mijia Smart Audio äýneklerinde düzülip bilinýän dizaýna we alty sany çalşylýan çarçuwa görnüşine eýedir. Zerurlyk bolan ýagdaýynda ulanyjy görüş ýitiligini düzetmek üçin dioptriýaly linzalaryny hem çarçuwa salyp biler.
Adyndan görnüşi ýaly, bu äýnekleriň ünsi sese gönükdirilýär. Gulak kanallaryna ses bermek üçin howa geçiriji tehnologiýasy ulanylýar. Äýnegiň içinde ýörite algoritm arkaly ulanyjylaryň gulagyna ses iberýän ultrases dinamikleri bar. Mundan başga-da, ulanyjynyň söhbetdeşligini beýlekileriň diňlemezligi üçin sesiň syzmagyndan goraýan iki tehnologiýa göz öňünde tutulandyr.
Äýnekde ulanylyş tertibine baglylykda, dürli awtonomlyk görkezijileri bar: 10 sagada çenli aýdym-saz ýaňlanmagy, 7 sagatlyk telefon jaňlary, 24 sagat esasy ulanyş we 11 günden gowrak garaşma tertibi. Mijia Smart Audio äýnegi tutawaçlaryndaky magnit bölümi arkaly zarýad alýar.
Äýnek bedendäki sensor zolaklary bilen dolandyrylýar. Mijia Smart Audio ses buýruklaryny hem goldaýar, ýöne olaryň işlemegi üçin hytaý emeli aň kömekçisi gerek.
Täze önüm 2024-nji ýylyň 27-nji aprelinde Hytaýda satuwa çykarylar. Mijia Smart Audio satuwda 459 ýuana satylar.
