2024-nji ýylyň fewral aýynda Merkezi Aziýa ýurtlaryndan Azerbaýjana baryp gören syýahatçylaryň sany 2023-nji ýylyň degişli aýy bilen deňeşdirilende 95,31% artdy. Bu barada Day.az habar berýär.
Azerbaýjanyň Döwlet syýahatçylyk agentliginiň maglumatlaryna görä, Türkmenistandan gelen syýahatçylaryň sany 2 584 adam boldy, bu geçen ýyl bilen deňeşdirilende 74% köpdür.
Umuman, 2024-nji ýylyň ilkinji iki aýynda Azerbaýjana gelen syýahatçylaryň sany 2023-nji ýylyň degişli döwri bilen deňeşdirilende 46,7% artyp, 341 müň adam boldy.
Azerbaýjanyň Milli Mejlisiniň Ykdysady syýasat, senagat we telekeçilik boýunça komitetiniň agzasy Wugar Baýramow Türkmenistandan gelýän syýahatçylaryň geçen ýylyň degişli döwrüne garanyňda 1,7 esse artandygyny belledi.
