“Barbi” filmindäki keşbi bilen tanalýan Margo Robbi meşhur The Sims oýnunyň ekranlaşdyrylyşyna prodýuserlik eder diýip, The Hollywood Reporter habar berýär.
Filme Disney+ üçin “Loki” serialyny düşüren Keýt Herron režissýorlyk eder. Ssenariniň üstünde “Doktor Kim” serialynyň epizodlarynyň birini döreden Brioni Redman işlär.
Sýužetiň jikme-jiklikleri we filmiň çykjak senesi entek aýan edilmedi.
Electronic Arts-yň The Sims-i - bu durmuş simulýatory, onda oýunçylar gahryman-simleri dolandyrýar, olaryň zerurlyklary hakda alada edýär, jaýlary gurýar we arzuwlaryny hasyl edýär.
The Sims oýnunyň birinji bölümi 2000-nji ýylda çykdy we şondan bäri dünýäde millionlarça janköýer gazandy.
Munuň The Sims filmini surata düşürmekde ilkinji synanyşyk däldigini bellemelidiris. 2007-nji ýylda Fox studiýasy oýun esasynda filmiň düşüriljekdigini yglan edipdi, ýöne soň taslama ýapyldy.
