Realme kompaniýasy çalt zarýad beriş ulgamy, Sony kamerasy we enjamy üm bilen dolandyrmak ýaly adaty bolmadyk funksiýasy bolan arzan Narzo 70 Pro 5G smartfonyny hödürledi. Bu barada GSMArena portaly habar berýär.
Realme Narzo 70 Pro 5G Full HD+ durulygy we 120 Gs täzeleniş tizligi bolan 6,67 dýuýmlyk AMOLED ekran bilen üpjün edildi. Enjamyň öndürijiligine 8 GB operatiw ýat bilen işleýän MediaTek Dimensity 7050 çipi jogap berýär. Gurnalan 128 we 256 GB goşmaça ýat MicroSD ýat kartlary arkaly giňelmegi goldamaýar.
Smartfonyň esasy kamerasy bu brendiň has gymmat enjamlarynda duş gelýän optiki şekil stabilizasiýasy (OIS) bolan 50 megapikselli Sony IMX890 sensorydyr. Narzo 70 Pro-da 8 MP ultra giň burçly obýektiw we 2 MP makromodul bar. Selfi kamerasy 16 megapiksel durulykdaky datçik bilen üpjün edilýär.
5000 mA/sagat sygymly akkumulýator 67W çalt zarýad bermegi goldaýar.
Täze önümiň esasy aýratynlygy ulanyjylara wideolary we fotosuratlary dolandyrmaga, sosial ulgamlara gitmäge we ekran bilen fiziki aragatnaşyksyz surata düşmäge gözegçilik etmäge mümkinçilik berýän üm bilen dolandyryş tehnologiýasydyr. Şeýle hem ekranyň aşagynda barmak yzy skaneriniň, ses bölüminiň, IP54 standartyna laýyklykda, tozandan we suwdan goragyň, Android 14 esasly realme UI 5.0 programma üpjünçiliginiň bardygy bellenilýär.
Realme Narzo 70 Pro 5G Hindistanda 8/128 GB we 8/256 GB nusgalary degişlilikde, 20 we 22 müň rupiýa (takmynan 240 we 265 dollara) satylar.
