Jastin Timberleýk “Everything I Thought It Was” ady bilen özüniň altynjy studiýa albomyny çykardy. Albom 18 aýdymy öz içine aldy, olaryň arasynda “Selfish” singli, “Memphis”, “No angels”, “Play”, “Drown”, “Love & War” ýaly aýdymlar bar. Ýygyndyda amerikaly repçi Tobe Nwigwe, nigeriýaly aýdymçy Fireboy DML hem NSYNC topary bilen bilelikde ýerine ýetirilen kompozisiýalar hem bar diýip, RBK ýazýar.
“Bu albom meniň geçen we häzir barýan ýolumyň çür depesi boldy. Men size örän minnetdar, men öz işimi tutuş dünýä görkezýändigim üçin tolgunýaryn. Söýgiňize sagboluň, ol meniň üçin örän köp zady aňladýar” – diýip, aýdymçy öz Instagram sahypasynda ýazdy.
Timberleýkiň soňky studiýa albomy alty ýyl mundan ozal çykypdy. “Man of the Woods” albomy 2018-nji ýylyň fewral aýynda çykyp, dürli seslenmeleri aldy. Albom Billboard 200 sanawynyň birinji ornuny eýeledi, onuň içine goşulan “Filthy” we “Say Something” aýdymlary bolsa Billboard Hot 100-üň ilkinji onlugyna girdi.
