Berliniň tehnosy ÝUNESKO-nyň maddy däl medeni mirasynyň sanawyna goşuldy. Bu barada ÝUNESKO-nyň komissiýasy habar berdi.
Berliniň tehno-sahnasyny ÝUNESKO-nyň sanawyna goşmak haýyşy bilen 2022-nji we 2023-nji ýyllarda Rave the Planet täjirçilik däl guramasy çykyş etdi – bu pikiri goldamak üçin bolsa ýörite şüweleňler geçirildi.
Berlin tehnosy elektron sazyna degişli bolup, žanr hökmünde 1980-nji ýyllaryň ahyrynda Berlin diwary ýykylandan soň döredi. Ol tanslylygy, çalt depgini, industrial ses semplleriniň ulanylmagy bilen tapawutlanýar. Şeýle-de, onda wokal ýok diýen ýaly.
Maddy däl medeni miras obýektleriniň sanawyna Germaniýanyň başga-da birnäçe däp-dessurlary girizildi. Olaryň arasynda Saksoniýadaky alpinizm, Finsterwalde şäherindäki “Biz Finsterwalde aýdymçylary” aýdymynyň ýerine ýetirilişi we beýlekiler bar.
ÝUNESKO-nyň maddy däl medeni mirasynyň sanawy 2003-nji ýyldan bäri hereket edýär.
