Şwesiýanyň milli ýygyndysy taryhynda ilkinji gezek toparyň baş tälimçisi wezipesine daşary ýurtly hünärmeni belledi, ol daniýaly Ýon Dal Tomasson boldy.
Milli ýygyndynyň metbugat gullugy Tomassonyň: «Bu uly işe başlamaga, janköýerler, oýunçylar we elbetde, Şwesiýanyň habar beriş serişdeleriniň wekilleri bilen duşuşmaga sabyrsyzlyk bilen garaşýaryn» diýen sözlerini getirýär.
Tomasson futbol karýerasynyň dowamynda «Herenwen», «Nýukasl Ýunaýted», «Feýenoord», «Milan», «Ştutgart» we «Wilýarreal» toparlarynda çykyş etdi. Ol eýýäm «Ekselsior» toparynda tälimçiniň kömekçisi wezipesinde işledi. 47 ýaşly hünärmen «Witesse» we Daniýanyň milli ýygyndysynda-da şol wezipäni eýeledi. Baş tälimçi hökmünde «Ekselsior», «Roda», «Malmýo» we «Blekbýorn Rowers» toparlaryna ýolbaşçylyk etdi.
Onuň ýolbaşçylygynda «Blekbýorn Rowers» şbu möwsümdäki ähli ýaryşlarda 35 oýun oýnap, olaryň 15-sinde ýeňiş gazandy, üç gezek deňme-deň oýnady we 17 gezek ýeňildi.
