Kriptowalýuta bazary 2,437 trln dollar kapitalizasiýa ýetmek bilen, güýçli ösüşi görkezýär. Kripto-aktiwleri bu görkezijä soňky iki ýylda ilkinji gezek ýetdiler diýip, Bloomberg agentligi habar berýär.
Ösüşiň esasy şerti bazaryň, takmynan, 52%-ini eýeleýän Bitcoin-iň (1,23 trln dollar) derejesiniň ösmegi boldy. Bir hepdede Bitcoin 21% ýokarlanyp, 63 083 dollara ýetdi – bu 2021-nji ýylyň dekabr aýyndan bäri iň ýokary görkezijidir. Onuň iň ýokary derejesi şol ýylyň noýabrynda 68 991 dollara ýetipdi.
Adaty aktiwler bilen deňeşdirilende, Bitcoin has gowy netijeleri görkezýär. Onuň bahasynyň altyna bolan gatnaşygy iki ýylda iň ýokary derejededir.
Häzirki wagtda ähli sanly aktiwleriň umumy bahasy 2,437 trln dollara barabar.
