Santa-Monika şäherinde (Kaliforniýa ştaty, ABŞ) garaşsyz kino pudagynda gazanylan üstünliklere hormaty dabaralandyrýan Independent Spirit Awards baýragynyň 39-njy gowşurylyş dabarasy geçirildi.
Independent Spirit Awards baýragy, köplenç, uly býujeti ýa-da esasy studiýalar tarapyndan goldawy bolmadyk kiçi we täjirçilik däl taslamalara üns berýändigi üçin, “Oskar”-a garşy goýulýar. Film baýragynyň gowşurylyş dabarasy, adatça, Amerikan Kino akademiýasynyň baýraklarynyň gowşurylyşynyň öňüsyrasynda bolup, garaşsyz kino dünýäsinde iň möhüm wakalardan biridir.
Şu ýyl agşamyň esasy ýeňijisi Selin Sonuň iň gowy film we iň gowy režissýor baýraklaryny alan “Öňki durmuşlar” melodramasy boldy.
Beýleki baýrak alanlar:
- Iň oňat ilkinji film: “Müňde bir” (A.W. Rokuell)
- Iň oňat daşary ýurt filmi: “Aşak gaçyş anatomiýasy” (Žýustin Trie)
- Iň oňat baş keşp: Jeffri Raýt ("Amerikan harsal çeper eseri")
- Ikinji plandaky iň oňat keşp: Dawaýn Joý Rendolf (“Galdyrylanlar”)
- Iň oňat ssenariý: Kord Jefferson ("Amerikan harsal çeper eseri")
- Iň oňat ilkinji ssenariý: Sami Berç, Aleks Mehanik (“Meniň dekabrym”)
- Iň oňat dokumental film: "Olfyň gyzlary"
- Jon Kassawetis adyndaky baýrak (býujeti 500 müň dollara çenli bolan filmlere berilýär): "Frimont"
- Robert Oltmen adyndaky baýrak (aktýorlar ansamblyna, režissýora we kasting-direktora gowşurylýar): "Peýda boluş"
Seriallar kategoriýasynda:
- Iň gowy täze serial: "Gemrişme"
- Täze serialdaky iň oňat baş keşp: Ali Wong (“Gemrişme”)
- Täze serialda ikinji plandaky iň oňat keşp: Nik Offerman (“Biziň birimiz”)
- Täze serialdaky iň şowly keşp: Keýwonn Wudard (Biziň birimiz)
- Täze serialdaky iň gowy aktýorlar düzümi: "Oturdaş bolmak"
- Iň oňat täze non-scripted ýa-da dokumental serial: "Eziz eje"
