Kristofer Nolanyň “Oppengeýmer” filmi ABŞ-nyň Kinoaktýorlar gildiýasynyň baýragyna mynasyp boldy. Bu barada baýragyň saýtyna salgylanyp, gazeta.ru habar berýär.
Filmde amerikaly fizik Robert Oppengeýmeriň keşbini ýerine ýetiren irlandiýaly aktýor Kilian Mýorfi baş erkek keşbi üçin baýragy, amerikaly aktýor kiçi Robert Dauni bolsa ikinji plandaky iň gowy erkek keşbi üçin baýragy aldy. Şeýle-de, kinokartina iň gowy aktýorlar saýlawy üçin baş baýragy gazandy.
Baş zenan keşbi üçin baýraga Martin Skorsezeniň “Gül Aýynyň ganhorlary” filminde oýnan aktrisa Lili Gladstoun mynasyp boldy. Ikinji plandaky iň gowy aktrisa hökmünde “Galdyrylanlar” filminden Dawaýn Joý Rendolf saýlandy.
Ýatlap geçsek, mundan öň “Oppengeýmer” “Iň gowy film” nominasiýasynda BAFTA baýragyna mynasyp bolupdy.
