Madridiň «Realy» Ispaniýanyň çempionatynyň soňky tapgyrynyň çäklerindäki «Betis» bilen oýnuny öňe süýşürmek üçin La Liga haýyş bilen ýüz tutdy. Oýnuň möhletiniň üýtgedilmeginiň sebäbi 30-njy maýda «Santýago Bernabeu» stadionynda Teýlor Swiftiň konsertiniň meýilleşdirilmegi bilen baglydyr diýip, Sportmail.ru «The Athletic» neşirine salgylanyp habar berýär.
«Real Madrid» stadiony konserte taýýarlamakda has köp wagta eýe bolmak üçin oýny 23-nji maýa geçirmegi haýyş edýär. Emma bu haýyş ret edilip bilner, sebäbi şol wagtky oýun iki topar üçin ýaryşda jemleýji netije ähmiýetine eýe bolup biler.
Şeýle hem «Real» biletlere bolan ýokary isleg sebäpli Swiftiň Madriddäki ikinji konserti üçin goşmaça sene tapmaga synanyşýar.
Teýlor Swift döredijilik saparynyň çäklerinde «Enfild» we «Uembli» ýaly Ýewropanyň birnäçe iri stadionlarynda çykyş eder.
