“Ýitirilen awtobus” atly täze dramada Mettýu MakKonahi we Amerika Ferrera çagalary tokaý ýangyny zolagyndan halas eden gahrymanlaryň keşbini ýerine ýetirer. Film Kaliforniýada 2018-nji ýylda ştatyň taryhynda iň heläkçilikli ýangyn dörände hakyky bolan wakalar barada gürrüň berer.
Edebi ýazgysy Lizzi Jonsonyň kitabyna esaslanýar.
Mekdep awtobusynyň sürüjisi Kewin Makkeý (MakKonahi) we zenan mugallym Meri Lýudwig (Ferrera) çagalary ot-ýalynyň içindäki Paradaýz şäherinden çykarmak üçin tagallalaryny birleşdirýärler. Okuwçylaryny halas etmek üçin janyny orta goýup, ýalynly köçeleriň içinden geçýärler.
Film 2024-nji ýylyň ýazynda surata düşürilip başlanar. Filme “Bornyň ultimatumy” we “Kapitan Fillips” filmleri bilen tanalýan Pol Gringrass režissýorlyk eder. Taslamanyň prodýusserleri: Jeými Li Kertis, Jeýson Blýum, Bred Ingelsbi we başgalar. Film Apple Original Films tarapyndan işlenip taýýarlanylýar.
“Ýitirilen awtobus” batyrlyk, yhlas hem-de umyt hakda güýçli we ylham beriji hekaýat bolar.
