«Barbi» filminiň režissýory Greta Gerwig «Time» žurnaly tarapyndan «Ýylyň zenany» diýlip yglan edildi. Bu barada neşiriň web sahypasynda beýan edilýär.
«Soňky bir ýylda Greta Gerwigiň «Barbi» filminden has täsirli örän az döredijilik üstünlikleri gazanyldy, bu filmde köpden bäri dowam edip gender jyns stereotiplerine garşy çykylýar we film 1,4 milliard dollardan gowrak girdeji gazanan, şeýlelikde, Greta Gerwig ilkinji üç filmi «Oskar» baýragyna dalaşgär görkezilen ýeke-täk režissýor boldy» diýlip, ýylyň zenanlaryna bagyşlanan makalada aýdylýar.
Gerwig žurnalyň mart aýyndaky sanynda peýda bolar. Ondan başga-da, ýylyň zenanlarynyň sanawyna amerikaly ykdysatçy Klaudiýa Goldin, alym-lukman Marlena Feýzo, tennisçi Kori Gauff, yrakly adam hukuklaryny goraýjy Nadýa Murad we beýlekiler girdi. Olaryň hemmesi Zenanlaryň taryhynyň biraýlygy mynasybetli mart aýynyň başynda Los-Anjelesde geçiriljek «Time» žurnalynyň her ýylky gala-konsertine gatnaşarlar.
