«The Beatles» britan rok toparynyň dört agzasynyň her biri barada biografik film surata düşüriler. Bu barada «Deadline» habar berýär.
Filmlere Sam Mendes («1917», «Amerikan gözelligi») režissýorlyk eder, «Sony Pictures» kompaniýasy bolsa distribusiýa işlerini ýerine ýetirer. Taslamanyň birinji bölümi 2027-nji ýylda çykar.
Neşiriň berýän habaryna görä, sazandalar Pol Makkartni we Ringo Starr, şeýle hem toparyň merhum agzalary Jon Lennonyň we Jorj Harrisonyň maşgalalary aýdym-sazlary filmlerde ulanmak hukugyny beripdirler, şeýle hem artistleriň hakyky durmuş hekaýalarynyň döredilmegine goşant goşupdyrlar.
