ABŞ-nyň öňki prezidenti Donald Tramp Trump Sneakers ady bilen öz krossowka brendini işe girizdi. Ilkinji hatarda üç jübüt aýakgap hödürlendi. Bu barada “Forbese” salgylanyp, RBK habar berýär.
Aýakgap hatary Never Surrender (“Hiç haçan boýun synma”) adyny aldy. Krossowkalaryň bahasy 199 dollardan 399 dollar aralygynda üýtgeýär diýlip, brendiň saýtynda görkezilýär.
Altyn reňkli jübüt krossowkada T harpy we ABŞ-nyň baýdagy bar. Bellenilişi ýaly, her bir jübüt nomerlenen. Jemi bir müň jübüt krossowka çykarylar. Satuw 2024-nji ýylyň iýul aýynda başlar. Şol bir wagtyň özünde, deslapky sargyt boýunça ähli krossowkalar eýýäm satyldy.
Altyn reňkliden başga-da, sargyt üçin şular elýeterli: POTUS 45 ýazgyly, T harply, altyn reňkde 45 belgili we ABŞ-nyň baýdagy bilen ak trikotaž krossowkalar hem-de T Red Wave ýazgyly, T harply, kümüş reňkde 45 belgili we ABŞ-nyň baýdagy bilen gyzyl trikotaž krossowkalar. Bu modelleriň açyk satuwy 2024-nji ýylyň awgust aýyna meýilleşdirilýär.
