Oskar baýragynyň eýesi Pon Çžun Ho-nyň ilkinji animasiýa taslamasy Günorta Koreýanyň taryhynda iň gymmat film bolar. Ady entek aýan edilmedik multfilmiň býujeti, takmynan, 52 million dollar bolar diýip, Reel World habar berýär.
Sýužet adamlar bilen deňiz jandarlarynyň, şol sanda çuňlukda ýaşaýan balyklaryň arasyndaky gatnaşyklara bagyşlanar.
Multfilmiň wizual dizaýny bilen “Mugthorlaryň” operatory Hon Gýon Phýo meşgullanar.
Çeşmäniň berýän maglumatlaryna görä, filmiň dünýäde paýlanyşyny Sony Pictures gurar. Çykaryljak senesi entek takyk aýdylmady.2024-nji ýylda multfilm çykmazdan ozal Robert Pattinsonyň keşpde oýnamagynda Pon Çžun Ho-nuň “Mikki 17” atly fantastiki filminiň ilkinji görkezilişine garaşylýar. Filmiň premýerasyny 29-njy martda görkezmek meýilleşdirilýär.
Günorta Koreýanyň kino režissýory we ssenariçisi Pon Çžun Ho iň gowy film (“Mugthorlar”) ugry boýunça Oskar baýragynyň eýesi. Ol drama, triller we gara komediýa žanrlaryndaky eserleri bilen tanalýar. Beýleki şowly işleriniň arasynda “Ganhorluk hakynda ýatlamalar”, “Ene” we “Gar içre” filmleri bar.
