Kristofer Nolan (“Oppengeýmer”) çeper filme režissýorlyk etmekde gazanan üstünlikleri üçin karýerasynda ilkinji Amerikanyň Režissýorlar gildiýasynyň (DGA) baýragyny aldy. Bu barada film.ru habar berýär.
Bu kategoriýada Nolanyň bäsdeşleri Martin Skorseze (“Gül Aýynyň ganhorlary”), Ýorgos Lantimos (“Garyplar-betbagtlar”), Greta Gerwig (“Barbi”) we Aleksandr Peýn (“Galdyrylanlar”) boldy.
Iň gowy ilkinji filmi üçin DGA baýragyny Selin Son (“Geçen ömürler”) aldy. Dokumental kategoriýada Mstislaw Çernow (“20 gün Mariupolda”) ýeňiş gazandy.
DGA-nyň statistikasyna görä, DGA-nyň 75 laureatynyň 67-isi režissýorlyk işi üçin soňlugy bilen “Oskar” baýragyny aldy. Geçen ýyl iki baýragyň-da eýeleri Denieller (“Hemme zat hemme ýerde we birbada”) boldy.
