«Milan» şu möwsüm üçin ätiýaçlyk köýnekçesini tanyşdyrdy diýip, klubuň metbugat gullugy habar berýär.
Bu köýnekçe toplumy Milanda aýratyn çärede görkezildi. Geýim iki reňkde – gara we ak reňklerde ýerine ýetirilipdir. Olarda şäheriň gotika arhitekturasy şekillendirilýär.
Klubuň oýunçylarynyň 11-nji fewralda «San-Siroda» geçiriljek «Napoli» bilen oýunda ilkinji gezek bu formany geýjekdikleri bellendi.
«Bu ajaýyp köýnekçe toplumynda meýdana çykmaga men örän şat. Ol meniň ozal görenlerimden tapawutlanýar, derwezeban we oýunçy tarapyndan ulanyp boljak iki görnüşi bar. Bu klubuň döredijiligini we innowasiýalary görkezýär. Öňdebaryjy dizaýn we özüne çekiji konsepsiýa «Milanyň» mirasynyň we maksatlarynyň düýp manysyny şöhlelendirýär» diýip, klubuň metbugat gullugy «Milanyň» we Fransiýanyň milli ýygyndysynyň hüjümçisi Oliwýe Žirunyň sözlerini getirýär.
«Milan» bu möwsümde 49 utuk bilen Seria A-da üçünji orunda barýar.
