Argentinada milli walýutanyň hümmetiniň peselmegi bilen baglylykda, inflýasiýanyň derejesi noýabr aýyndaky 161%-den soň, dekabr aýynda 211%-e çenli ýokarlandy. Bir ýyl ozal bu görkeziji 95%-e deňdi.
Liwan 2022-nji ýyldaky 122% bilen deňeşdirilende, geçen ýyl 192% inflýasiýa bilen ikinji orunda durýar. Wenesuela ilkinji üçlügi tamamlaýar, bu ýerde bahalaryň ýokarlanmagynyň derejesi bir ýyl ozalky 234%-den 190%-e çenli peseldi.
Türkiýede 2023-nji ýylda inflýasiýa 65%-e ýetdi, Russiýada bolsa 2022-nji ýyldaky 11,9%-den 7,4%-e düşdi.
Berilýän maglumatlara görä, dünýä ýurtlarynyň ýarysynda ýyllyk inflýasiýa 4,2%-den geçýär. 130 ýurtda bahalaryň artyş depgini haýallady, 20 ýurtda bolsa tizlendi. Inflýasiýanyň iň ýokary tizlenmegi Argentinada hasaba alyndy.
