Germaniýanyň sport egin-eşiklerine ýöriteleşýän Adidas kompaniýasy Madridiň “Realynyň” ýarym goragçysy Jud Bellingemiň firma logotipini çykarmakçy bolýar. Bu barada “Footy Headlines” neşirine salgylanyp, championat.com habar berýär.
Çeşmäniň maglumatlaryna görä, logotip Bellingemiň elleri gapdala serilgi görnüşindäki suduryny öz içine alar. Adidas eýýäm şu ýyl Bellingemiň täze logotipi bilen meşhur Predator butsylarynyň täze görnüşini çykarmagy meýilleşdirýär.
Ýatlap geçsek, 20 ýaşly oýunçy geçen ýylyň iýul aýynda Dortmundyň “Borussiýasyndan” 103 mln ýewro “Reala” geçdi. Transfermarkt internet portalynyň hasabyna görä, onuň bahasy 180 mln ýewro barabar. Häzirki möwsümde Bellingem ähli ýaryşlarda “Real” üçin 26 oýna gatnaşyp, 18 gol geçirdi we sekiz netijeli geçirim etdi.
