Niderlandlaryň Gaaga şäherinde 99 ýaşly wagt kapsulasy tapyldy. Ol şu wagta çenli patyşa Wilgelm II-iň heýkeliniň aşagynda ýatypdyr diýip, RFI-e salgylanýan Office Life habar berýär.
Wagt kapsulasynda taryhy resminamalar, hatlar we kitaplar gizlenipdir.
Tapylan kitaplaryň awtory XIX asyryň meşhur niderland taryhçysy general Fransua de Bas bolup çykdy.
Taryhçylar, beýleki zatlar bilen birlikde, Wilgelm II-iň Napoleona garşy alyp baran söweşleri baradaky fransuz dilinde ýazylan üç tomdan ybarat eserini tapmagy başardylar. Sahypalarda 1815-nji ýylda bolup geçen Waterloo söweşi hem beýan edilýär.
Munda bu söweşde Gollandiýa-Belgiýanyň orny barada maglumat berýän möhüm çeşmeler hakynda gürrüň gidýär, sebäbi söweşe gatnaşan gollandiýaly ofiserleriň hasabatlarynyň nusgalary bar. Bu resminamalaryň asyl nusgalary Ikinji jahan urşy döwründe Gollandiýanyň goşunynyň arhiwine bomba düşenden soň ýitdi hasap edilip gelinýärdi.
