Samsung ulalýan displeýli smartfon döretdi

  • 29.01.2024 21:41
  • 8.6k+

«Samsung» kompaniýasynyň inženerleri dürli tarapa uzalyp bilýän displeýi bolan smartfonyň nähili görnüp biljekdigini görkezdiler. Bu barada lenta.ru «The TechOutlook» neşirine salgylanyp habar berýär.

Žurnalistler internetde koreý korporasiýasynyň patentini tapdylar. Suratlara salgylansak, «Samsung» tarapyndan teklip edilen telefonyň inedördül korpusy we açylýan ekrany bar. Ekrany zerurlyga baglylykda, dürli taraplara uzaldyp bolýar.
Oýlap tapyşyň beýanynda, ulalýan displeýiň mehanizminiň çeýe bölekden we birleşdirijiden ybaratdygy aýdylýar. Birleşdiriji çeýe paneli islendik tarapa çekmäge mümkinçilik berýän we pružin täsirini döredýän görnüşde işlenip düzülipdir.
Mundan başga-da, resminamada şeýle dizaýnyň çeýe ekrana berklik berjekdigi we epinleriň aradan aýryljakdygy aýdylýar. Žurnalistleriň bellemeklerine görä, eplenýän smartfonlaryň bazarynda öňdebaryjy bolan «Samsung» geljekki enjamlary döredende täze tehnologiýalary ulanyp biler.


15.08.2025 18:57
7k+

Samsung Micro RGB yşyk çyrasy tehnologiýaly ilkinji telewizory çykardy, bahasy 32 müň dollar

Samsung kompaniýasy täze Micro RGB yşyk tehnologiýaly dünýäde ilkinji telewizoryny çykardy. Ol ilkinji gezek Las-Wegasda geçirilen CES 2025-de yglan edildi. 115 dýuýmlyk model ilki Günorta Koreýada 44,9 million wona (takmynan 32 362 dollar), soňra ABŞ-da we beýleki ýurtlarda elýeterli bolar...

08.08.2025 16:05
6.6k+

Galaxy Z Fold 7-ni myžžygy çykýança açyp-ýapdylar

Galaxy Z Fold 7-ni mahabatlandyrmak bilen, Samsung bu eplenýän smartfonyň adaty şertlerde 500 000 gezege çenli açyp-ýapmaga çydamlydygyny aýtdy. Tech IT kanalyndan YouTube blogeri muňa göz ýetirmek kararyna gelip, smartfony 200 müň gezek açyp-ýapmak synagyndan geçirdi...

28.07.2025 13:44
3.4k+

Galaxy Z Fold 7 12 sagat buzda doňdurmak we derýa çümdürmek synaglaryndan geçdi

Täze Galaxy Z Fold 7 smartfony adatdan daşary synaglardan üstünlikli geçip, eplenýän smartfonlaryň daşyndan görnüşi ýaly ejiz däldigini subut etdi. Gurluş doňdurylandan, derýa çümdürilenden we beýiklikden gaçandan soň hem işe ukyplylygyny saklady...

11.04.2025 16:31
5.6k+

Samsung bir gezeklik zarýad bilen 200 güne çenli işläp bilýän ekranyny tanyşdyrdy

Samsung kompaniýasy täze Color E-Paper (EM32DX modeli) ekranyny hödürledi. Bu ekran energiýany asla sarp etmeýär diýen ýaly. Reňkli statik şekilleriň görkezilýän mahaly ekran 0,00 Wt güýç ulanýar. Samsung-yň habar...