27-nji ýanwarda Türkmenistanyň Goranmak ministrliginiň Merkezi serkerdeler öýünde Watan goragçylarynyň gününe bagyşlanyp baýramçylyk dabarasy geçirildi. Onuň barşynda Watan goragynda yhlasy, zähmeti, güýç-gaýraty bilen tapawutlanan harby gullukçylara döwlet sylaglary gowşurylyp, nobatdaky harby atlary dakyldy.
Türkmenistanyň harby we hukuk goraýjy edaralarynyň harby gullukçylarynyň we işgärleriniň bir toparyna medallary gowşurmak, harby we ýörite atlar dakmak hem-de hünär derejelerini bermek hakynda Permana Türkmenistanyň Prezidenti gol çekdi.
Döwlet sylaglaryny, nobatdaky harby atlaryny kabul eden Watan goragçylary Döwlet baýdagyna togap edip, wepalylyk kasamyny ýerine ýetirdiler.
Şu salgydan Watan goragçylarynyň güni mynasybetli dabaradan fotosuratlara syn edip bilersiňiz.
