Oguz han adyndaky Inžener-tehnologiýalar uniwersiteti «Times Higher Education Awards Asia 2024-iň» sekizligine girdi

  • 27.01.2024 15:18
  • 12k+

Türkmenistanyň Oguz han adyndaky Inžener-tehnologiýalar uniwersiteti «Student Recruitment Campaign of the Year» ugry boýunça sanawyň sekizligine girmegi başardy. Bu barada Türkmenistanyň Bilim ministrliginiň Metbugat gullugy habar berýär.

Angliýada we Irlandiýada eýýäm 19 ýyldan bäri hereket edýän, dünýäde «Oscars of higher education» ady bilen giňden tanalýan «Times Higher Education Awards Asia» baýraklary «THE Awards Asia» ady bilen häzirki wagtda Aziýa yklymynda hem doly ýola goýuldy. Ol uniwersitetleriň akademiki, ýolbaşçylyk, dolandyryş we hünär hyzmatlary ýaly dürli ugurlary boýunça alyp barýan işlerini ykrar edýärler.
Bu baýraklaryň altynjy gezekki neşirine 17 ýurtdan 80 finalçy dalaş edýär. Bu ýyl uniwersitetlerdäki çäreleriň ähli görnüşlerini öz içine alýan 10 ugur boýunça 600-den gowrak ýüz tutmalar kabul edildi. «Student Recruitment Campaign of the Year» ugry boýunça sanawyň sekizligine Türkmenistanyň Oguz han adyndaky Inžener-tehnologiýalar uniwersiteti hem girmegi başardy.
Talyplyga dalaşgärleriň isleglerini we gyzyklanmalaryny ýokarlandyrmak boýunça Türkmenistanyň Oguz han adyndaky Inžener tehnologiýalar uniwersiteti (TITU) ýokary derejeli zehinleri çekmäge, yhlasly we erjel talyplaryň jemgyýetini döretmäge çalyşýan öňdebaryjy uniwersitet hökmünde tanalýar. Geçen ýyllarda has köp zehinli talyplary çekmek üçin TITU iki sany ýurt derejesindäki çäräni gurady: ýagny, orta mekdep okuwçylary üçin «Oguz hanyň zehinli nesilleri» atly integrirlenen olimpiadasy; we 18 — 35 ýaş aralygyndaky raýatlar üçin innowasion tehnologiýalaryň taslama bäsleşigi. Iki çäre hem TITU we onuň akademiki meýilnamalaryny dalaşgärleriň giň toparyna hödürlemekde ýokary derejeli netijeleri gazandy.
«THE Awards Asia 2024» sanawynda iň ýokary derejeli uniwersitetleriň arasynda Singapuryň, Günorta Koreýanyň, Gonkongyň, Malaýziýanyň, Hindistanyň, Hytaýyň, Türkiýäniň, Filippinleriň, Taýlandyň, Indoneziýanyň, Ýaponiýanyň, Pakistanyň, Kambojanyň we beýleki ýurtlaryň uniwersitetleri hem bar. Bu baýrak Türkmenistanyň uniwersitetleriniň Aziýanyň we dünýäniň abraýly uniwersitetleriniň sanawyna goşulmak işjeňligini görkezýär. UniRank reýtinginden mälim bolşy ýaly, häzirki wagtda Aziýada resmi taýdan ykrar edilen 6065 ýokary okuw mekdebi bar.
Ýeňijiler 29-njy aprelde Malaýziýanyň Kuala-Lumpur şäherinde geçiriljek dabarada mälim ediler. Bu çäre Sunweý uniwersiteti bilen hyzmatdaşlykda geçiriljek Aziýa uniwersitetleriniň sammitiniň ilkinji güni tamamlanar.


24.06.2025 00:28
3.8k+

Türkmenistanda arap diliniň fonetikasy we maglumat tehnologiýalary boýunça täze okuw kitaplary çykaryldy

Türkmen döwlet neşirýat gullugy Türkmenistanyň Bilim ministrliginiň teklibi boýunça ýurdumyzyň ýokary okuw mekdepleri we umumy bilim berýän orta mekdepleri üçin täze okuw kitaplaryny çykardy. “Arap diliniň fonetikasy”...

23.06.2025 01:32
8.8k+

Türkmenistanyň 14 sany ýokary okuw mekdepleri «THE Impact Rankings-2025» dünýä reýtinginiň sanawyna girdi

Türkmenistanyň ýokary okuw mekdepleriniň 14-si «THE Impact Rankings-2025» atly her ýyl çap edilýän täsir etmegiň ählumumy reýtinginiň ýedinji neşirinde orun aldy. Bu ýokary okuw mekdepleri «Times Higher Education (THE)» Britan guramasynyň garaşsyz halkara bilermenleriniň ykrarnamasyna eýe boldular...

20.06.2025 20:00
2.1k+

Türkmenistanda “Ýaş žurnalistiň döredijilik mekdebi” atly okuw gollanmasy neşir edildi

Ýakynda Türkmen döwlet neşirýat gullugy “Ýaş žurnalistiň döredijilik mekdebi” atly okuw gollanmasyny neşir etdi. Magtymguly adyndaky Türkmen döwlet uniwersitetiniň Žurnalistika kafedrasynyň uly mugallymy, Türkmenistanyň...

13.06.2025 17:37
7.1k+

Balkanabatda mugallymlaryň festiwaly geçirildi

Balkanabat şäherinde “Kämil mugallym – kämil nesil” atly mugallymlaryň festiwaly geçirildi. Türkmenistanyň Bilim ministrliginiň hem-de “Kämil Bilim” okuw merkeziniň bilelikde guramagynda geçirilen bu çäre ýurdumyzyň günbatar sebitiň orta mekdeplerinde bilim berýän mugallymlaryň ýüzden gowragyny bir ýere jemledi...