Bloomberg: Apple Vision Pro garniturasy lukmançylykda we bilimde mynasyp ornuny tapar

  • 22.01.2024 12:20
  • 2k+

Apple-iň Vision Pro giňeldilen hakykat garniturasy lukmançylykda, senagatda we bilimde peýdaly ulanylyp bilner. 3DNews -yň habaryna görä, garnituranyň işlenip taýýarlanyşyna jogapkär Maýk Rokwell bilen Alan Daýyň enjamy haýsy bazarda ulanyp boljakdygyny düşündirýän resminamasy Bloomberg-iň ygtyýaryna düşdi.

Rokwelliň sözlerine görä, saglygy goraýyş we bilim ulgamy Apple Vision Pro -ny netijeli ulanmak üçin esasy ugurlar bolup biler. Hususan-da, şeýle gural hirurglara operasiýa etmäge we şol bir wagtyň özünde näsagyň ýagdaýynyň esasy görkezijilerini görmäge mümkinçilik berer. Häzirki wagtda operasiýa wagtynda hirurglar ünsüni sowup, ýanyndaky monitorlara häli-şindi seretmäge we wagtyny gidirmäge mejbur bolýarlar. Giňeldilen hakykat tehnologiýasy bu şekilleri bir gözýetime birleşdirmäge mümkinçilik bererdi.
Garniturany ulanyp, enjamyň wirtual ekranynda işçiler üçin zerur görkezmeleri görkezip, çylşyrymly enjamlara hyzmat edilende abatlaýyş işlerini hem optimizirläp bolar. Bilim ulgamynda Vision Pro okuwçylara mazmuny has aňsat ýatda saklamaga kömek edýän täsirli, çuňňur mazmun döretmek üçin dürli mümkinçilikleri açýar.

"Biz oýunjak däl-de, gural hasaplanýan önüm döretmegi maksat edindik" –diýip Rokwell nygtady.


22.06.2025 18:11
4.1k+

Ajaýyp, arman peýdasyz: tehnohöwesjeň Nintendo Switch-i iň haýal iPhone-a öwürdi

PatRyk lakamly tehnologiýa höwesjeňi Nintendo Switch oýun konsolynda iOS mobil operasion ulgamyny işe girizmegi başardy. Taslama synag maksatly geçirildi – ulgam, takmynan, 20 minutda ýüklenýär we ähli goşundylar dessine ýalňyşlyk ýüze çykyp ýapylýar diýip, «Tom’s Hardware» neşiri ýazýar...

20.06.2025 17:12
1.7k+

Apple 2027-nji ýyla çenli sagatlara gandaky şekeriň derejesini ölçemek funksiýasyny goşar

Apple 2027-nji ýyla çenli Apple Watch sagatlaryna ganyň düzümindäki glýukozanyň derejesini ölçemek funksiýasyny goşmagy meýilleşdirýär. Bu barada GF Securities analitigi Jeff Pu salgylanyp, Appleinsider neşiri habar berýär...

10.02.2025 22:05
1.8k+

«Edil Pixar-yňky ýaly»: Apple täsin robot-çyrasyny görkezdi

Apple kompaniýasynyň robototehnika bölümi «Lýukso-körpe» (Люксо-младший) multfilmindäki çyrany ýada salýan robotyň nusgalyk modelini görkezdi. Bu barada «Apple Machine Learning Research» web sahypasynda habar berilýär...

07.02.2025 18:41
13k+

iPhone 16 Pro bilen Samsung Galaxy S25 Ultra iş ýüzünde deňeşdirildi

Samsung Galaxy S25 Ultra we iPhone 16 Pro smartfonlary emeli aňyň kömegi bilen taýýar suratlardan obýektleri aýyrmak mümkinçiligine eýe boldy. Samsung-da bu funksiýa öňki nesil smartfonlarynda peýda bolupdy, Samsung...