Türkmenistanyň wekiliýeti “KHBS emeli aň döwründe: mümkinçilikler we kynçylyklar” temasyna bagyşlanan Üçünji media maslahatyna gatnaşdy. Arap döwletleriniň radiogepleşikler birleşigi (ASBU) tarapyndan gurnalan forum Tunisde geçirildi diýip, Halkara Habarlar portaly habar berýär.
Ýokary wezipeli adamlar we pudak hünärmenleri emeli aňyň media aragatnaşyk pudagynda tutýan ornuny ara alyp maslahatlaşdylar. Emeli aňyň mazmun döretmek, tejribeleri şahsylaşdyrmak we ilkinji nobatda, köp mukdardaky maglumatlary seljermek üçin media pudagynda giňden ulanylýandygy we munuň hem gizlinlik meselesini has wajyplaşdyrýandygy bellenildi.
ASBU-nyň prezidenti bu maslahatyň emeli aň tarapyndan döredilýän maglumatlaryň anyklygyny we ygtybarlylygyny üpjün etmek ýaly birnäçe meseläni ara alyp maslahatlaşmaga mümkinçilik berýändigini aýtdy.
Şeýle-de, media mazmuny döretmek üçin emeli aňyň ulanylmagy bilen baglanyşykly meselelere hem-de bu tehnologiýanyň media pudagynda döredýän mümkinçiliklerine seredildi.
