Türkmenistanyň Kýokuşinkaý karate boýunça milli merkeziniň türgenleri Türkiýäniň Antalýa şäherinde geçen Aziýanyň açyk çempionatynyň (Kyokushin АIKO Asian Open Championship) ýeňijileri boldular. Bu barada «Neýtralnyý Türkmenistan» gazetinda habar berildi.
Bäsleşige ýapon söweş sungatynyň türkmenistanly ussatlarynyň ikisi gatnaşdy.
Ýazmuhammet Aşyrmyradow ýokary derejeli ýaryşyň 80 kilogram agram derejesindäki bäsleşiginde altyn medal gazandy. Myrat Ekäýew bolsa 90 kilogramdan ýokary agramda altyn medala mynasyp boldy. Olar milli çempionatlarda, dürli sebitleýin we halkara ýaryşlarda birnäçe gezek ýeňiji bolan hem-de baýraklara eýe çykan türgenlerdir.
Kýokuşinkaý karate — 1950-nji ýylda Ýaponiýada karate ussady Masutasu Oýama tarapyndan döredilen söweş sungatydyr. Onuň «Kýokuşinkaý» diýen ady türkmen diline terjime edilende «güýçli ýumruk mekdebi» diýmegi aňladýar. Adyndan hem belli bolşy ýaly, bu ugruň düýp manysy fiziki güýçde, tehnikada we ruhy ösüşe üns bermekde jemlenýär.
