X sosial ulgamy Android-yň ulanyjylary üçin ses we wideo çagyryş aýratynlygyny hödürleýär

  • 20.01.2024 14:48
  • 3073
X sosial ulgamy Android-yň ulanyjylary üçin ses we wideo çagyryş aýratynlygyny hödürleýär

X sosial ulgamynyň (öňki Twitter) Android programmasynyň indiki täzelenmesi bilen ulanyjylar ses we wideo jaňlaryny edip bilerler. Bu barada X-iň agzalan aýratynlyklary durmuşa geçirmegiň üstünde işleýän inženerleriniň arasyndaky çeşmä salgylanyp, TechCrunch habar berýär diýip, 3DNews habar berýär.

X-iň ýolbaşçylygy wideo çagyryş aýratynlyklarynyň platformada peýda boljakdygyny geçen ýylyň awgust aýynda yglan edipdi we oktýabr aýynda bolsa ol iOS-yň sosial ulgam programmasyny ulanýanlar üçin elýeterli bolupdy. Şonda X-iň islendik ulanyjysynyň jaňy alyp biljekdigini, ýöne jaň etmäge diňe tölegli abonentleriň mümkinçiliginiň boljakdygyny bellemelidiris.
Ulanyjylar gizlinlik we howpsuzlyk sazlamalarynda ses we wideo jaňlaryny işledip ýa-da öçürip bilerler. Olara jaň edip biljek adamlaryň sanawyny çäklendirmek hem mümkindir.
X sarp edijileriň ünsüni özüne çekip biljek täze aýratynlyklary goşmagyny dowam etdirýär. Şeýlelik bilen, şu ýyl platformanyň, sosial ulgam ýaly Ilon Mask-a degişli xAI kompaniýasynyň emeli aňyna esaslanýan aýratynlyklarynyň boljakdygy belli boldy.


02.02.2024 14:09
3680

Threads bir aýda App Store-da we Google Play-de ýükläp almalaryň  sanyny üç esse artdyryp, ilkinji onluga girdi. X 36-njy ýere düşdi

Meta kompaniýasynyň Twitterde bäsdeşlik döreden Threads mikroblog platformasy ýene-de çalt depginde ösýär. Dekabr aýynda programma, noýabr aýy bilen deňeşdirilende, ýükläp alyşlarynyň sanyny üç esse köpeldip, App...

31.01.2024 14:31
4143

X sosial ulgamynda sporta goýum kabul etmek aýratynlygynyň peýda bolmagy mümkin

Ilon Mask X (öňki Twitter) sosial ulgamyna täze - sporta goýum goýmak aýratynlygyny ornaşdyrmagy meýilleşdirýär. Munuň üçin kompaniýa BetMGM sanly oýun platformasy bilen şertnama baglaşar diýip, Fortune salgylanýan...

25.12.2023 12:36
3074

Meta-nyň Threads sosial ulgamy X-den ozduryp, App Store-de iň köp ýüklenen goşundy boldy

Business Insider-iň habaryna görä, geçen hepde Threads sosial ulgamy ABŞ-da Apple AppStore dükanynda iň meşhur programma boldy we bäsdeşi Ilon Maskyň X-sinden öňe geçdi. Häzirki wagtda Instagram ilkinji onluga...

20.10.2023 16:16
7707

X sosial ulgamy esasy aýratynlyklary ulanmak isleýän täze ulanyjylardan ýylda 1 dollar töleg alar

X (öňki Twitter) sosial ulgamy platformanyň esasy aýratynlyklaryny ulanmak isleýän täze ulanyjylardan töleg üçin ýylda 1 dollar alyp başlar. Bu barada Fortune žurnaly öz çeşmesine salgylanyp habar berdi. Onuň berýän...